I fahr ganz g'miatlich auf'm Oidstodtring
Mit mei'm neich'n Wogn
Hob'n gestern erst vom Händler g'hoit
Zehn Kilomeda san drob'n
Wiare eibiag in die Prinzregenten
Kimmt a so a Depp
Mit sei'm Radl auf'm Radlweg
Ja i brems fei do net
Er brennt ma eine und dann hauts'n
Üba d'Kühlahaubn auf d'Strass
Sakrament mei neue Wogn
Do griag i ja glei an Hass
I hau eam glei a g'scheide eine
Und geh um's Auto ummadum
Und mia foid a Stoa vom Herz'n
I sig koan Kratzer und koa Duin
Do kennan Kniascheibn kracha
Boana brecha und wenns Gebiss raus fliagt
De Hauptsach', de Hauptsach'
Mei'm Wogn is nix passiert
De Hauptsach', de Hauptsach'
Mei'm Wogn is nix passiert
Dann fahr i auße auf de Autobahn
Und ziagn richtig nauf
A hoibe Stund' vo null auf hundert
Des hoitst im Kopf net aus
Naja i mua'n scho g'scheid ei'fahrn
Dann griag i scho wos drauf
Sunst moan i wars boid s'gscheida gwehn
I hätt ma Roischuah kauft
Dann sig i wia von hint' a Rocker kimmt
Und der kimmt furchtbar schnell
Dem Saubuam werd i helfa
De ghörn doch eh an d'Wand hi'gstellt
I reiß mei Steier ganz nach rechts
Ja sowos macht an Spaß
Etz ackert er in Richtung Daglfing
Durchs metahohe Gros
Do kennan Kniascheibn kracha
Boana brecha und wenns Gebiss raus fliagt
De Hauptsach', de Hauptsach'
Mei'm Wogn is nix passiert
De Hauptsach', de Hauptsach'
Mei'm Wogn is nix passiert
Mei Oide hot mi so lang bettlt
Bis i endlich ja gsogt hob
Etz is seit oana Stund' voschwund'n
Sche langsam griag i Angst
I hob ihra eh no ois erklärt
Normalerweis konn nix passiern
Aba a Weibsbuid hinter'm Steier
Fahrt hoit oiwei ohne Hirn
Noch drei Stund' is na endle kemma
Ihr G'sicht war ganz voi Bluat
S'Nosnboa war brocha
Ja do griag i ja glei a Wuat
Doch bis auf einen Teppich dens versaut hod
Hod eam net vui gfehlt
Und den neian Fuaßobstreifa
Ziag i ihra ob vom Haushoitsgeld
Do konnst da s'Hirn an d'Frontscheibn one haun
Und wenns da s'Greiz vabiagt
De Hauptsach mei'm Wogn is nix passiert