Nit für Kooche
Ich will fott sinn, wenn weißwer op "aufjeklärt" määt
Un sing Klosprüch – als Wetz jetarnt – och,
Wenn dä letzte Verklemmte mir't Du ahnbeet
Un se eimohl em Johr och sprich, ming Sprooch.
Ich kann echt nit drövver laache, wenn die froore, die sons nix
Ohne Schlips un Kraare maache, ob ihr Pappnaas richtig setz.
Die Vereinsmeier hann dann ihr Hochkonjunktur,
Uniform-Fetischiste ald jraad.
Mööch nit wesse, wie vill noch dobei sinn vun domohls,
Wievill, die jetz scheiß-liberal
Un bierernst ihr Traditione met däm Mief vun dausend Johr
Konserviere un betone, dat se klüngele, wöhr jar nit wohr.
Oh, nit für Kooche, Lück,
Bliev ich Karneval he.
Nä, ich verpiss mich hück,
Ich maach nit met dobei.
Wenn die Kleinigkeitskrämer als Weltmeister jonn,
Klar, ihr Beistellfrau blieht schön doheim,
Un em Suff sich beklaare, die däät nix verstonn,
Un dann fremdjonn – natürlich jeheim,
Die sich versööke ze belüje, sich wieszemaache, su jing "frei",
Et Schärfste ess, wenn die dann singe:
"Ahm Aschermettwoch ess alles vorbei!"
Oh, nit für Kooche, Lück,
Bliev ich Karneval he.
Nä, ich verpiss mich hück,
Ich maach nit met dobei.
Andrerseits ess dat praktisch, dat muss ich jestonn,
Jed Verhalten sortiert wie 'n Kartei:
Stechuhr-Weihnachte, Schwazz, wenn wer stirv,
Op die Tour kütt dann jed Jeföhl clean ahn de Reih.
Ey, wesst ihr wat, Lück? Ihr künnt mich! I
Ch benn jeck, wie ich will – 't janze Johr.
Wenn ihr wollt, leckt mich quer,
Ävver schmiert üch ühr Kompensation unger üch enn de Hoor!
Oh, nit für Kooche, Lück,
Bliev ich Karneval he.
Nä, ich verpiss mich hück,
Ich maach nit met dobei.