第一可憐嘍蓮花
出世風場襪快活
悽慘落魄就是我
做牛做馬也著拖
第二可憐蓮花酸
苦命蓮花心頭酸
後母沒為仔打算
想要嫁尪也久長
可憐啊蓮花呀
實在可憐呆
第三可憐蓮花姐
歹命做工到半瞑
頭燒目暈那是病
破病也著去賺錢
第四可憐蓮花代
好壞人客阮招待
十分招待嫌阮壞
要打要罵又要篩
可憐啊蓮花呀
實在可憐呆
第五可憐蓮花鐘
有人實在無同情
也無外多錢阮用
要打要罵又要鍾
第六可憐蓮花城
流落歡場歹名聲
後母愛錢無愛仔
迫到阮啊無路行
可憐啊蓮花呀
實在可憐呆
♪
第七可憐蓮花紅
阮是可憐歹命人
後母當阮不是人
害阮痛苦一世人
第八可憐蓮花頭
流落歡場襪出頭
後母顧前無顧後
害阮每日目屎流
可憐啊蓮花呀
實在可憐呆
第九可憐蓮花時
做了這行已幾年
可憐家人無相見
阮嘛未知去叨位
第十可憐蓮花光
歸冪做工到天光
想到有厝唔通返
終身再也難見光
可憐啊蓮花呀
實在可憐呆
十一可憐蓮花怨
想起身世真哀怨
後母迫我做這款
汝想心內汝糟煩
十二蓮花不了時
墮落黑暗難見天
少年賺錢是一時
老來怎樣過日子
可憐啊蓮花呀
實在可憐呆