ବରଗଛ ଓହଳ
ବରଗଛ ଓହଳ
ଆଲୋ ବଉଳଲୋ ବଉଳ
କହ୍ନେଇ ଖାଉଚି ଘିଅ ପଖାଳ
କହ୍ନେଇ ଖାଉଚି ଘିଅ ପଖାଳ
ବର ଅଠା ବହଳ
ବର ଅଠା ବହଳ
ଆଲୋ ବଉଳଲୋ ବଉଳ
କହ୍ନେଇ ନାଉଚି ଦୟଣା ମାଳ
କହ୍ନେଇ ନାଉଚି ଦୟଣା ମାଳ
କାଲି ଭାଙ୍ଗୁଥିଲା ପାଣି ମାଠିଆ
ଆଜି ଭଲ ପାଏ ଭୋଗ କୁଡୁଆ
କାଲି ଧାଉଁଥିଲା ଗୋପୀ ପଛରେ
ଆଜି ଅଚଳ ଲୋ ପାପୀ ଆଗରେ
ଗୋପପୁରେ କରୁଥିଲା ଦହି ଯିଏ ଚୋରି
ସିଏ ପୁଣି ନିଜ ଘରେ ହୋଇଯାଏ ଚୋରି
ଆଲୋ ବଉଳଲୋ ବଉଳ
କାହ୍ନୁକୁ ଦେଖିଲେ ଲାଗେ ବିକଳ
କାହ୍ନୁକୁ ଦେଖିଲେ ଲାଗେ ବିକଳ
କାଲି ଦେଖୁଥିଲା ଗୋପୀ ଗାଧୁଆ
ଆଜି ସ୍ନାନ ତାର ଦେଖେ ଦୁନିଆଁ
କାଲି ମାରୁଥିଲା ଚକ୍ର ବୁଲେଇ
ଆଜି ମାରେ ମଜା ପାନକୁ ଖାଇ
ଫୁଙ୍କୁଥିଲା ଶଙ୍ଖ ଯିଏ ମହାଭାରତରେ
ବାଜି ନାହିଁ ଶଙ୍ଖ ତାର ବଡ଼ଦେଉଳରେ
ଆଲୋ ବଉଳ ଲୋ ବଉଳ
କହ୍ନେଇ ଜାଣେ ତା ମାୟାର ଖେଳ
କହ୍ନେଇ ଜାଣେ ତା ମାୟାର ଖେଳ
ବରଗଛ ଓହଳ
ବରଗଛ ଓହଳ
ଆଲୋ ବଉଳଲୋ ବଉଳ
କହ୍ନେଇ ଖାଉଚି ଘିଅ ପଖାଳ
କହ୍ନେଇ ନାଉଚି ଦୟଣା ମାଳ
କାହ୍ନୁକୁ ଦେଖିଲେ ଲାଗେ ବିକଳ
କହ୍ନେଇ ଜାଣେ ତା ମାୟାର ଖେଳ