Dahil sayo, natutunan ko kung pano umibig
Kaso hindi ka mapapasakin kahit pa sa panaganip
Kaya eto ako nag-iisa at umaaasa sa mga tama
Baka bukas makalawa ay biglang magbago ang tadhana
Unang tama ay mula sa isang kahon ng pulang kabayo
Na ako lang umubos, para makalimutan na ang mukha mo
Kaso malabo... kasi mas lalo... ka pang gumaganda
Ang sakit lang tanggapin na ako'y binabalewala mo na
Masaya yung ating simula, sariwa pa sa aking ala-ala
Nung tayo'y nagkwe-kwentuhan mula gabi hanggang umaga
May naramdaman akong koneksyon, handa nang mag-seryoso
Anong nangyari? Ayun, mas pinili kong lumapit sa tukso
Mas inuna ko pang sagutin ang mga tawag ng laman
Masarap nga sa pakiramdam pero puro panandalian lang
Pagkalipas ng dalawang taon, bigla ko nalang napagtanto
Na ikaw pa rin talaga ang babae na pinapangarap ko
Agad akong nagparamdam ulit, at doon ko nalaman
Na mas masaya ka na sa piling ng bago mong kasintahan
Sinabi ko mag-hihintay ako, sagot mo? "wala nang tsansa"
Pero salamat sa alak, tingin ko'y meron pang pag-asa
Dahil sayo, natutunan ko kung pano umibig
Kaso hindi ka mapapasakin kahit pa sa panaganip
Kaya eto ako nag-iisa at umaaasa sa mga tama
Baka bukas makalawa ay biglang magbago ang tadhana
Ikalawang tama ay mula naman sa nakabalot na damo
Pagkatapos kong sindihan medyo naging kalmado na ako
Pero hindi ko pa rin kayang tanggalin sa aking isipan
Na ikakasal ka na habang ako'y nananatili sa kadiliman
Kaya pala hindi mo na sinasagot yung bawat tawag ko
At balita ko yung binigay kong rosas ay tinapon mo
Gusto ko lang na malaman mo, na talagang pinagsisihan ko
Ang kasalanan ko, bakit ba hindi mo maunawaan to?
Ngunit huli na ang lahat, ika nga ng iyong barkada
Tanging hiling ko nalang ay habang buhay kang maligaya
Maghanap nalang daw ako ng iba kaso wala pa 'kong gana
Ikaw pa rin ang nakikita pag may bagong nakikilala
Ikaw pa rin ang naririnig sa tuwing may nagsasalita
At ikaw pa rin ang naaamoy saan man ako magpunta
Muntik na 'kong lumuha dahil wala ka sa aking tabi
Buti nalang may halaman na sa akin ay nagpapangiti
Dahil sayo, natutunan ko kung pano umibig
Kaso hindi ka mapapasakin kahit pa sa panaganip
Kaya eto ako nag-iisa at umaaasa sa mga tama
Baka bukas makalawa ay biglang magbago ang tadhana
Ikatlong tama ay mula sa bakal sa aking kanang kamay
Gusto kitang makita ulit, pagod na 'kong mag-hintay
Kaya nandito ako sa labas ng inyong magarang tahanan
Maraming salamat at pinili mong buksan ang pintuan
Pasensya na pala sa istorbo, alam kong hatinggabi na
Natatakot ka ba sakin? Bakit nahihirapan kang huminga?
Iniisip mo ba ang iyong asawa? Hindi na yun babalik
Nasa gitna siya ng kawalan ngayon at wala nang imik
Ito nalang ang tanging paraan para tayo'y magkatuluyan
Huwag kang mag-alala sinta, ikaw ay aking aalagaan
Hindi kita ililibing, sa bahay ko tayo didiretso
At doon ko papatunayan na ang pag-ibig ko'y seryoso
Patuloy kitang kakausapin kahit hindi ka na kumikibo
At kapag nabubulok ka na, ako pa rin ang ka-siping mo
Pang habang buhay na tayo, isang perpektong romansa
Ipikit mo na ang iyong mata at sa akin sumama