نازانم دنیا رۆژە یا شەوە
هەموو کارێکم خواردن و خەوە
لە دەنگوباسی خەڵک بێ خەبەر
وەک مردوو ئەژیم، دوورم لە بەشەر
خەریکی چ بم غەیری خواردنەوە؟
باسی قومار و پارە بردنەوە
حەقمە، لێم گەڕێن تانەم لێ مەدەن
حەقێکی ئەتۆ لە سەدا سەدە
چیتر دەزانی، وازم لێ بێنە
پەردەی ئەسرارم زۆر پێ مەدڕێنە
قسەم زۆر ماوە، ڕەقە وەک بەردە
کاکە، لێم گەرێ بەرۆکم بەردە!
مردم ئەوەندە حەول و چەنەم دا
هەرچیەکەی نوسیم گشتی چوو بە با
قەومێکی دایم هەر حەول بدەن
بۆ ئەوەی یەکتر بە عەرزدا بدەن
خۆم لە تەنقی دار دوور خستۆتەوە
تەواوی دونیام لەبیرچۆتەوە
تخوا لێم گەڕێن تانەم لێ مەدەن
حەقێکی ئەتۆ لە سەدا سەدە
چیتر دەزانی، وازم لێ بێنە
پەردەی ئەسرارم زۆر پێ مەدڕێنە
قسەم زۆر ماوە، ڕەقە وەک بەردە
کاکە، لێم گەرێ بەرۆکم بەردە!