Сайн хүн болон хичээх тусмаа би
Сайхан чинийхээ энд хүрэхгүй нь ээ
Сайн санааны үзүүрт нь шар тос байна уу хөөе
Сайн таниарай бүсгүй минээ
Сундалж давхих хүрэн морь минь байна
Суудал дүүрэн машин гүйцэхгүй ч
Сумын наадамд хурдалдаг халтар хүлэг минь
Сургын газраа андуурч будлихгүй ээ
Болзоотынхоо бор толгойд
Болзсон цагтаа хүлээнээ
Бодлын эзэн бүсгүй минь хаана байна
Харуй бүрийг гэгэлзүүлэх
Хөөрхөн дүрээ гэрэлтүүлээч
Хайрын эзэн хархан нүдэн минь
Эр хүн болон хичээх тусмаа би
Энхрий чамдаа улам тэмүүлнээ
Зүрхнийх нь углуурт нь сэтгэл байна уу хөөе
Зөв таниарай бүсгүй минээ
Давхиад очих хүлэг морь минь байна
Давхар дугуйт унааг гүйцэхгүй ч
Дассан сэтгэл минь яардаг жим нь дөт юм хойно
Даваа гүвээнд цуцашгүй еэ хө
Болзоотынхоо бор толгойд
Болзсон цагтаа хүлээнээ
Бодлын эзэн бүсгүй минь хаана байна
Харуй бүрийг гэгэлзүүлэх
Хөөрхөн дүрээ гэрэлтүүлээч
Хайрын эзэн хархан нүдэн минь