Өндөр тэнгэрийн заяатай төрсөн
Өэлүн ээжийн бүүвэйтэй төрсөн
Өлзий хишгийн хөх толботой Монголчууд
Халуун эвээ хэзээ ч эвдэхгүй
Хамаг улсаа хэзээ ч сарниахгүй
Хатан дэлхийд суу алдартай Монголчууд
Уртын дууны шуранхай, уран хөөмийн эгшиг
Есөн эрдэнийн солонго, ерөөл буяны тэнгэртэй
Хууч эртний домог, худ Монгол бичиг
Билгийн гэгээн далай, бидний Монголын заяа
Дээд тэнгэрийн заяатай төрсөн
Дэлүүн Болдогын зарилагтай төрсөн
Дэгжих бадралын хийморьтой Монголчууд
Андгай тангарга хэзээ ч эвдэхгүй
Ариун заншилаа хэзээ ч алдахгүй
Алтайн дэлхийд сүүн замналтай Монголчууд
Уртын дууны шуранхай, уран хөөмийн эгшиг
Есөн эрдэнийн солонго, ерөөл буяны тэнгэртэй
Хууч эртний домог, худ Монгол бичиг
Билгийн гэгээн далай, бишрээд бахдахын заяа
Монгол уртын дуу минь уран яруу эгшиг аялгуутай
Морин хуурын түрлэг уян зөөлөн тансаг татлагатай
Монголоо гэсэн сэтгэл минь элгэн халуун эв нэг агаартай
Мохож цуцаагүй эртний элэнц өвгийн эрхэм захиастай
Уртын дууны шуранхай Уран хөөмийн эгшиг
Есөн эрдэнийн солонго Ерөөл буяны тэнгэртэй
Хууч эртний домог Худ Монгол бичиг
Билгийн гэгээн далай Бидний Монголын заяа
Монгол уртын дуу минь уран яруу эгшиг аялгуутай
Морин хуурын түрлэг уян зөөлөн тансаг татлагатай
Монголоо гэсэн сэтгэл минь элгэн халуун эв нэг агаартай
Мохож цуцаагүй эртний элэнц өвгийн эрхэм захиастай
Уртын дууны шуранхай Уран хөөмийн эгшиг
Есөн эрдэнийн солонго Ерөөл буяны тэнгэртэй
Хууч эртний домог Худ Монгол бичиг
Билгийн гэгээн далай Бидний Монголын заяа