حلوة الشهادة وحقنة نفخر بيهة
احلام الي چانت واقع نسويهة
تحقق الحلم ونحجنة
وابد ماضايع تعبنة
كلمن يحبنة نريدة
يجي يشاركنة بفرحنة
فرحت الناجح چبيرة وابد ماتشبهة فرحة
شگد حلو بيوم النتايح على هيچ اخبار تصحة
اليوم الفرحة شمحلاهة
نهوس حيل ونتباهة
الحلم تحقق وتحول واقع
خل يسمع بينة كلمن ماسامع
بحب نجمعنة والعشگ ويانة
بهذا فرحنة الاهل فرحانة
هواية تعبنة والله ماينسانة
عوض صبرنة ونفتخر خلانة
خلصت ايام الاذية وضحكت الدنية بوجهنة
بزودنة سوينة كلشي وجبنة البشارة لهلنة
المجتهد ياخذ نصيبة ويتعب وميضيع تعبة
على كل سهر الليالي ندري راح يعوضة ربة
خل الناس يشوفونة
والغالين يهنونة
نفرح ونهوس ونجيب بشارة
شمحلاتة الناجح حلوات اخبارة
كل الاماني بلتعب نبنيهة
حلوة الشهادة وحقنة نفخر بيهة
احلام الي چانت واقع نسويهة
بيوت اهلنة بلفخر نمليهة