ياللي غيابك طال وأحزانك أحزان
اسلم يمال العافية و السلامة
ترى حضور الواثق بنفسه يبان
ويفرض على كل الحضور احترامه
حطيت لقلوب المخاليق ميزان
كلن حسب مشاعره واهتمامه
قلوب تكسب ودّها وأنت زعلان
وقلوب تخسر ودّها بابتسامة
ليه أعتني في كلمة فلان و فلان
خلّيت كلن يعتني في مقامه
بعض البشر يحسب كلامه بالأثمان
وبعض البشر ما حد يثمّن كلامه
الصمت معناه الرضا بعض الأحيان
وأحيان أشوفه للمفارق علامة
خذ ماتبي مني ولو كنت غلطان
إلا الكرامة . لا تمسّ الكرامة
كثر الملامة . ماتقرّبك لإنسان
قل المودّة . عند كثر الملامة
سلامتك ياقلب من كل الأحزان
اسلم يامال العافية و السلامة