سلام للي لا وقف عدل الميل
مثل الجبال اللي يذري حجاها
محمد ابن سلمان وكفوفك النيل
يقطع مدنها لين ياصل قراها
يمناك تثمر بالرفاء والمحاصيل
وتزهى بك ديارٍ ويفخر ثراها
ويمناك ترمي بالطيور الابابيل
لا ثارت الهية ودارت رحاها
::
سلام للي لا وقف عدل الميل
مثل الجبال اللي يذري حجاها
محمد ابن سلمان وكفوفك النيل
يقطع مدنها لين ياصل قراها
البال في قدومك يعلق قناديل
مثل النجوم اللي تزين سماها
لانك سبقت الوقت واحلام هالجيل
تكبر معك مع كل شمس وضحاها
اضفى على كل البلاد ورواها
يمشي لك رجالٍ محبة وتبجيل
ودليل عطفك يوم تسمع دعاها
جدانهم قالوا عوضها المقابيل
من الشقا والجوع واللي دهاها
ثم اشرقت شمسك بعد غيهب الليل
شمسٍ جلت كل الظلام بسناها
ترقى ونرقى بك مع الجدي وسهيل
كبير وامجادك بعيدٍ مداها
حتى الظبا من عقب ماهي مجافيل
تامن تحت بشتك وتلقى ذراها