تغيب لكنك على البال ما غبت
تروح وانت بداخل القلب موجود
تروح وانت بداخل القلب موجود
ما تدري انك يا حبيبي تأخرت
وأيامي البيضاء غدت كلها سود
وأيامي البيضاء غدت كلها سود
اعد أنا أيامي من السبت للسبت
ويضيع عمري وانت غايب مفقود
يمر ليل وينقضي يوم ما بنت
وفي خاطري اقول يومين ويعود
يضيع ليلك بين جوال او نت
ويضيع عمري بين طارد ومطرود
ويضيع عمري بين طارد ومطرود
كتمت بصدري وتعبني الكبت
وهديت حالي كثر ما هو بمهدود
وهديت حالي كثر ما هو بمهدود
يا اخي تراها كلها سبتك انت
بريت حالي برية العود للعود
انا اشهد اني بعد حبك توهقت
واشتقت لرموشك ولعيونك السود