كلامي دلوقتي غردقة بس أصله عين شمس
أشباح كتير شفناها مش فكسانة كله كسر
حكايات حوارات حواديت وقلبنا اتعلمنا الدرس
حواري جوا حواري منطقة شعبية جامدة بس
كلامي دلوقتي غردقة بس أصله عين شمس
أشباح كتير شفناها مش فكسانة كله كسر
حكايات حوارات حواديت وقلبنا اتعلمنا الدرس
حواري جوا حواري منطقة شعبية جامدة بس
بمسي عالنعام والمربع ال منها
اشباح أحمد عرابي والشبيحة اللادورجية
عصابات قبضايات في الحق بس مش بلطجية
حافظين الشارع حتة حتة بس مش شوارعية
أحلي صحبة اجدع رجال
بمسي علي عزب البقال
وعبده دولار اجمد فوال
طبق فول ومعاه بتنجان
معاك فلوس حاسب معاكش علينا يا فنان
دي الاصول يا صاحبي دايما عامر .منستغناش
بيوت صغيرة قديمة مليانة فرحة وحنان
مش رحاب ومدينتي لو بردت تموت بردان
عايز نوش تلاقي ١٠٠٠ واحد زميل فقدان
يقف معاك في العاركة جندي مجند في إيران
منطقة شعبية ماشي بس مفيش معني الخيانة
جيران تخاف علي بعض مش كله نفسي كأني في حانة
وقت الفرح كتيبة
وقت الزعل جمبك رجالة
واحدة اتعاكست ننزل وقت الحرب جانا جانا
نفسي ارجع تاني أعيش ايام زمان
متدفي تحت لحافي فعلا حاسس بالأمان
أنزل اروح مدرستي واسقط تاني مش ندمان
أو نكت عادي ونلعب جيم سبايدر مان
مدرستي بن خلدون كتير سموها بن فقدون
انا وزمايل اجمد عصابة محدش فينا يخون
شارع علمنا تعليم ذاتي . كن او لا تكون
مكنش معانا فلوس بس عرفنا إزاي نصون
كباية قهوة ع القهوة وكله كان مبسوط
او ايام ما كنا نهرب نكت في الدروس
٢٥ وملزمة دقنا طعم الفلوس
نروح بعدها تاني يوم عندي ٣ دروس
بسرح كتير بخيالي برجع تاني بالزمان
او بتخيل اني ف يوم بقيت اكبر فنان
او سافرت الهند وسميت نفسي حازم خان
دلوقتي مع بوب مارلي بس بطلت دخان
كلامي دلوقتي غردقة بس أصله عين شمس
أشباح كتير شفناها مش فكسانة كله كسر
حكايات حوارات حواديت وقلبنا اتعلمنا الدرس
حواري جوا حواري منطقة شعبية جامدة بس
كلامي دلوقتي غردقة بس أصله عين شمس
أشباح كتير شفناها مش فكسانة كله كسر
حكايات حوارات حواديت وقلبنا اتعلمنا الدرس
حواري جوا حواري منطقة شعبية جامدة بس