Ao, ao, ao, ao, ao, Baako ei, me nko ara mayɛ mmɔbɔ
♪
Ao, ao, ao, ao, ao, Baako ei, me nko ara mayɛ mmɔbɔ
♪
Ao, Hyɛbrɛ, Kofi Nkrabea
Meso me nkrabea na mede nam
Nkrabea na meredi no adenden yi
Meso me nkrabea na mede nam wiase yi, ao
Ɔbaatan biara dɔ ne ba o
Me maame ne Eno Ahwɛwuo
Ɔhwɛ bra a merebɔ yi a, ɛyɛ a na ɔnte aseɛ o
Nti me maame yɛɛ adwen sɛ ɔde me bɛkɔ baabi o
Ama makɔhwehwɛ me hyɛbrɛ mu o, ao
Nti deɛ edi kan no, ɔde me kɔɔ Mpata, yɛsan kɔsii Mpatrapa
Ɔsan de me bɛsene kɔɔ Mpiti, akyire yi yɛkɔduruu Mpitiripi
Ɔsan de me bɛsene kɔɔ Mpoti, akyire yi nso yɛkɔsii Mpotiri ti
Nso amanfoɔ se ɛyɛɛ deɛn nie
Na me hyɛbrɛ yi, yɛnyaa ano aduro? Ao
♪
Na baabi ara a yɛbɛduru no nso
Asɛm a wɔka kyerɛ yɛn ara ne sɛ
Nkrabea wɔ hɔ yi, amanfoɔ, yɛmmɔ no adane o
Afei nso, aboa bi reka wo a, ɛyɛ a na ne nyinaa ara firi wo ntomam'
Nti yie a manyɛ wɔ wiase yi mu a, mepɛ deaa menkɔbisa ofie nipa, ao
Ɔbra na emu nsɛm ayɛ wanyaa sei, ɔbra na emu nsɛm ayɛ torokaa yi?
Ɔbra na emu nsɛm ayɛ basaa yi? Ao
♪
Ao, ao, ao, ao, ao, Baako ei, me nko ara mayɛ mmɔbɔ
♪
Nana Wusu Kofi Nkrabea ei, Kofi ei, mensu pii o
Efirisɛ asuo mene wo mpɛn nkron mpo a
Ɛyɛ a wotwa no prɛko pɛ
Nti m'abɛberɛsɛ yi mu o, m'amanehunu yi mu o
Me hia bebereebe yi, mede ne nyinaa ma Twereduampɔn, ao
Mekɔ a memma nso yɛ ka no kwantia
Na ɔbrɛ a mabɛbrɛ wɔ wiase yi no mu
Brɛɛbrɛɛ na sɛ mewu kɔ asamando a
Sɛ mɛsam aba bio a menko ara na menim, ao
Ao, ao, ao, ao, ao, Baako ei, me nko ara mayɛ mmɔbɔ
Ao, Baako ei, me nko ara mayɛ mmɔbɔ
Ao, Baako ei, me nko ara na mayɛ mmɔbɔ
Ao, Baako ei, me nko ara na mayɛ mmɔbɔ
Ao, Nkrabea ei, me nko ara na mayɛ mmɔbɔ
Ao, Baako ei-