Dat wöör Avend, ik trock dör den Kiez un ik wett
Dat he de schönsten Spelunken an'n Haven hett
De Deek hangt deep. Een kennt sik hier
Un sluut den Pakt mit den Düvel bi't Töverwoort "Bier"
Seemannsgoorn warrt hier noch jeden Dag spunnen
Un an't Groschengraff hett wull noch keeneen wunnen
Verleevte, Rivalen, Kollegen un Frünnen, glööv mi man
Ik dreep se all hier ünnen
De Gammler, de Blenner, de Perle un Jan
Fru Meier-Schulze ehr Ehemann
De Blonde, de Gauner, de Trottel un Hein
De dat Vörsitten hett in uns Schüttenverein
Oh, ik bruuk keen Knete un keen Knatter
Oh, ik bruuk keen Bonzokratie
Oh, ik bruuk keen Asche un keen Schotter
Wat ik bruuk, is Kneipenmelancholie
Dat wöör al Nacht
Un ik harr Beer un Schnaps un Hart al düchtig leert
Dor wöör ik glieks mit de Liddmaatschop vun'n Spoorclub honoreert
Wi sünd nu veer Stopen ünner dat Boordsteenniveau
Truer, Traatsch un Terz, dat höört hier mit dorto
O-Beens ünner de Stammesdischen
De jeden Maandag de Koorten mischen
Lasters, Schullen, Anstand un Sünnen
Glööv mi man, de kennt se all hier ünnen
De Knallkopp, de Lappen, de Nulpe un Klaas
Een Oog blau un dat annere ut Glas
De Stricher, de Schrulle, de Paster un Pit
Söven Beer later un he is noch fit.
Oh, ik bruuk keen Knete un keen Knatter
Oh, ik bruuk keen Bonzokratie
Oh, ik bruuk keen Asche un keen Schotter
Wat ik bruuk, is Kneipenmelancholie
Wat ik bruuk, is Kneipenmelancholie
Ik bruuk keen Ocken, keen Tacken un keen Talers
Ik bruuk keen Pinke, keen Patte un keen Plunner
Ik bruuk keen Mücken, keen Piepen un keen Kröten
Ik bruuk keen keen Zaster, keen Kies un ok keen Kohle
Wat ik bruuk, is Kneipenmelancholie
Oh, ik bruuk keen Knete un keen Knatter
Oh, ik bruuk keen Bonzokratie
Oh, ik bruuk keen Asche un keen Schotter
Wat ik bruuk, is Kneipenmelancholie
Wat ik bruuk, is Kneipenmelancholie