Dat Schipp is klor un de Mannschap ok
Nu geiht't rop, nu geiht't rop op de Bounty
Wat wi beleevt, steiht in keen Book
Nu geiht't rop, nu geiht't rop op hoge See
De Hüer is, ik segg dat blots,
Nich so groot, nich so groot op de Bounty
Un ok de Koje vun'n Matroos
Nich so groot, nich so groot op hoge See
Un egentlich wüllt se Keerls mit Knööf
As Matroos, as Matroos op de Bounty
Ok ik wörr anhüert, mit Verlööf
As Matroos, as Matroos op hoge See
Mit een Oog kann ik nix mehr sehn
Vun de Lüüd, vun de Lüüd op de Bounty
To'n Klagen kaamt se, een bi een,
Vun de Lüüd, vun de Lüüd op hoge See
Denn jeden Dag is Danz op Deck
Un ik speel, un ik speel op de Bounty
Mit Fiedel stah ik an de Eck
Un ik speel, un ik speel op hoge See
Un achteran warrt düchtig schrubbt
Allens schier, allens schier op de Bounty
So männ'cheen Stunn, de man dor kruppt
Allens schier, allens schier op hoge See
Man een Dag gifft't för Hart un Seel
To veel Rum, to veel Rum op de Bounty
Kaptein un Stüermann drinkt veel
To veel Rum, to veel Rum op hoge See
De Meute schreet, dat gifft Laway
Meuterei, Meuterei op de Bounty!
All Lüüd an Deck, ok de Kaptein
Meuterei, Meuterei op hoge See!
Dor weer dat letzte Leed to Enn
Un ik ween, un ik ween op de Bounty
De Nuttschaal drifft na Westen hen
Un ik ween, un ik ween op hoge See