Vele Daag un noch mehr Nachten sitt he dor
So deep deep ünnen in sien Keller geiht dat klor
Wenn dat scheppert un dröhnt denn warrt he hitt
Bi Nirvana un Oasis dor speelt he mit
Nülich föhrt he in de City mit'n Rad
Süht en Annonce an de Ampel op de Straat
Dor schrievt Lüüd se söökt'n Drummer de wat kann
Sien beste Band-Shirt in't Schapp, dat treckt he an
Un he hett sogor Beer mitbröcht
Wat'n Pläseer - Plopp -
Se kiekt vun'n Laptop rop
Bjørn maak mal' n Beat Bjørn!
Bjørn maak mal' n Beat!
Bjørn maak mal' n Beat Bjørn!
Bjørn maak mal' n Beat!
Kuum tohuus smitt he sien Botten in de Eck
Un treckt sik över sien Kopp de grote Deck
Schiet op all den elektroonsche Bumms- un Tüdelkram
He will echte Musik, de noch rummsen kann
Se hebbt ja seggt sien Energie de weer ganz gut
Tominnst nich slecht man wat he speel weer em veel to luut
'N Slagtüüch is doch dorför dor dat een luut spelen kann
Na eenmal will he't noch proberen un treckt sik wedder an
Ditmal steiht he för de Döör vun dat Studio
Un he hett hüüt echt wat vör en Revolution
Dör dat Finster kann he al wat düchtig blinken sehn
En Syntheziser steiht dor dat weer woll en Versehn
Ditmal sünd se al veer Lüüd
De een produzeert - dull -
Un de seggt in sien Rull
Bjørn maak mal' n Beat Bjørn!
Bjørn maak mal' n Beat!
Bjørn maak mal' n Beat Bjørn!
Bjørn maak mal' n Beat Bjørn!
Dat maakt em so keen Spaaß he will blots noch weg
Egentlich is nau dat ok würklich nix för Bjørn
Echt, dat weer noch'n Band mit Gitarr un so
He wörr ja sogor ok Bass spelen in de Nood
Und das Ende vom Lied Bjørn maakt'n Beat
Bjørn maak mal' n Beat!
Bjørn maakt'n Beat he maakt'n Beat Bjørn
Bjørn maak mal' n Beat Bjørn!
Bjørn maak mal' n Beat!
Bjørn maak mal' n Beat Bjørn!
Bjørn maak mal' n B-B-B-B-Beat!