Thoda ajeeb hai ye praani
Pyaar jataye na zara bhi
Dil ke kareeb hai fir bhi kaafi
Aadatein saari puraani
Ek puraani kameez inko pyaari
Iske fate dhaago se hai yaari
Saari zindagi aise kaati
Samjhauta hai inka saathi
Inka shauqh nahi hai tere shauqo ko rokne ka
Inka shauqh nahi hai tere sapne todne ka
Ek aise haq se ye bandhe,
Jaise ho bojh tale kandhe,
Inka farz hai teri asliyat tujhe sonpe!
Ek puraani kameez inko pyaari
Iske fate dhaago se hai yaari
Saari zindagi aise kaati
Samjhauta hai inka saathi
Ek puraani scooter inko pyaari
Uski fati seat se hai yaari
Saari zindagi aise kaati
Samjhauta hai inka saathi
Ye tedhe medhe sawaalo aur shikaayato se tujhko chhedenge,
Juthi muthi taarifein chhod na baatein mod sach kehdenge
Ye tareeka hai inka, ek tasali paane ka
Ye tareeka hai inka, teri taraki naapne ka
Samjhauta jaise inka saathi
Zimedaari saari nibhaayi
Teri tarakki inke liye kaafi
Ye kaagaz tera tu kahaani
Teri tarakki inke liye kaafi
Ye kaagaz tera tu kahaani
Ek puraani kameez lage pyaari
Ek purani scooter lage pyaari
Teri tarakki inke liye kaafi
Ye kaagaz tera tu kahaani
Maa to maange galtiyon pe maafi
Par inke liye
Teri tarrakki hi kaafi!
Khudki chhod likh rahe teri kahaani
Teri kahaani
Teri kahaani