شيلني و اشيلك
ده انا برضو فرحت لك
شيلني و اشيلك
ده انا برضو فرحت لك
و انا بتاعك يا بيه
و اعرف معرفش ليه
و كام عبد المعين
لابد في المسؤولين
كام عبد المعين
لابد في المسؤولين
و انا بتاع كل حاجه و دراعك اليمين
شيلني و اشيلك
ده انا برضو فرحت لك
شيلني و اشيلك
ده انا برضو فرحت لك
و انا بتاعك يا بيه
و اعرف معرفش ليه
و كام عبد المعين
لابد في المسؤولين
كام العبد المعين
لابد في المسؤولين
و انا بتاع كل حاجه و دراعك اليمين
و سواق المدير
و هتيف الوزير
سواق المدير
و هتيف الوزير
و مهماز المدام
و نبوت الغفير
و فراش العياده
و خدام السياده
و فراش العياده
و خدام السياده
للي من غير سناده يتعكز على السرير
و ناس بدم ساقع
واقفين ورا البراقع
و ناس بدم ساقع
واقفين ورا البراقع
يغيروا المبادئ
يضيعوا الشرائع
و ناس من خلف شيش
خايفين من الشاويش
ناس من خلف شيش
خايفين من الشاويش
سلبيه الميه الميه
تعالى لا ما اجيش
تعالى لا ما اجيش
و دا كان كلام زمان
ما يبقالوش مكان
في مجتمع نضال
بيعجن الرجال
بالصهد و العرق
دا كان كلام زمان
ما يبقالوش مكان
في مجتمع نضال
بيعجن الرجال
بالصهد و العرق
و لو حس الالم
يوشوش الالم
يصرخ على الورق
و لو حس الالم
يوشوش الالم
يصرخ على الورق
يقول كل الكلام
عريان ما يزوقوش
يقول كل الكلام
عريان ما يزوقوش
و يوصف الالم للي متألموش
اصل احنا شعب طيب
و الطيبه فينا بلوه
اصل احنا شعب طيب
و الطيبه فينا بلوه
تاخدنا من قريب و تجيبنا كلمه حلوه
ما هو احنا شعب طيب
و الطيبه فينا بلوه
ما هو احنا شعب طيب
و الطيبه فينا بلوه
تاخدنا من قريب و تجيبنا كلمه حلوه
سامعين يا اهل البلد
ولا امسك النفير
يا البنت
يا الولد
يا المجدع الكبير
عارفين ماشيين منين؟
و السكه السالكه فين؟
عارفين ماشيين منين؟
و السكه السالكه فين ؟
مشوارنا مش هوين
و ما هواش بالقليل
مهما الخيال يزين
لسه الطريق طويل
و على الطريق شكوك
و جبال حسك و شوك
صحصح يا عين ابوك
و امسك في ايد اخوك
و على الطريق شكوك
و جبال حسك و شوك
صحصح يا عين ابوك
و امسك في ايد اخوك
عايزين همة رجال
ابعد من المحال و اسرع من الامل
تزلزل الجبال و تخلق المجال للعدل و العمل
عايزين همة رجال
ابعد من المحال و اسرع من الامل
تزلزل الجبال و تخلق المجال للعدل و العمل
و يطلع خير بلادنا على ذمة ولادنا
و يطلع خير بلادنا على ذمة ولادنا
و تبقى عيشه جنه و ملو الصحن حنه
و تبقى عيشه جنه و ملو الصحن حنه
على كفوف الصبايا
و اعيش و أشوف ولادي
ماليين عين الاعادي
قايمين للعز رايه
و اعيش و اشوف ولادي
ماليين عين الاعادي
قايمين للعز رايه
و يطلع خير بلادنا على ذمة ولادنا
و يطلع خير بلادنا على ذمة ولادنا
و تبقى عيشه جنه و ملو الصحن حنه
و تبقى عيشه جنه و ملو الصحن حنه
على كفوف الصبايا
و اعيش و أشوف ولادي
ماليين عين الاعادي
قايمين للعز رايه
و اعيش و اشوف ولادي
ماليين عين الاعادي
قايمين للعز رايه
و اقعد ويا الصحابه
و نقول على الربابه
و اقعد ويا الصحابه
و نقول على الربابه
يا جيل الانجازات
يا جيل المحظوظين
يا جيل الانجازات
يا جيل المحظوظين
ابوك السقا مات
من شرب المايه طين