En l' haven' de Pont-Aven
La maristoj sen ĉagren'
Iras for ekde l' maten'
Kun esperoj pri balen'
En l' haven' de Pont-Aven
Sen maristoj, sed kun pen'
Oni vivas kun seren'
Atendante pri reven'
Oni vivas kun seren'
Atendante pri reven'
En l' haven' de Pont-Aven
Plena estas magazen'
Ĉe la placo pro kunven'
Azenblekas la kreten'
En l' haven' de Pont-Aven
La knabetoj spit' al ĝen'
Per desegnoj en marĝen'
Zorgas ne pri ekzamen'
Per desegnoj en marĝen'
Zorgas ne pri ekzamen'
En l' haven' de Pont-Aven
Junulinoj dum promen'
Sonĝas pri ĉen' de l' himen'
Apud rokoj de l' dolmen'
En l' haven' de Pont-Aven
La junuloj sen reten'
Drinkas per botelo plen'
Iros ne al la dolmen'
Drinkas per botelo plen'
Iros ne al la dolmen'
En l' haven' de Pont-Aven
La edzinoj ĉe l' kamen'
Atendante pri reven'
Fikas, flikas sur kusen'
En l' haven' de Pont-Aven
La edzinoj en ĝarden'
Grundon fosas kun la pen'
Ne riĉegas la teren'
Grundon fosas kun la pen'
Ne riĉegas la teren'
En l' haven' de Pont-Aven
Maljunuloj per faden'
Retojn flikas kun ĉagren'
Tempo fuĝis sen siren'
En l' haven' de Pont-Aven
La avinoj kun orgen'
Kantas dum la pastra ben'
"Amen" estas la refren'
Kantas dum la pastra ben'
"Amen" estas la refren'
En l' haven' de Pont-Aven
Sen maristoj, sed kun pen'
Oni vivas kun seren'
Atendante pri reven'
En l' haven' de Pont-Aven
La maristoj kun ĉagren'
Kiam venas sunosven'
Spitrevenas kun sarden'
Kiam venas sunosven'
Spitrevenas kun sarden'