Stu piettu è fattu cembalu d'amore
Tasti li sensi mobili e accorti
Corde li chianti, suspiri e duluri
Rosa è lu core miu feritu a morte
♪
Malinconicu cantu allegru mai
Caccia te fore sta malinconia
Comu l'aggiu cacciare quando tie lu sai
Tenia nnu core e lu donai a tie
♪
Stu piettu è fattu cembalu d'amore
Martieddhu è lu pensieru e la mia sorte
Mastra è la donna mia ca a tutte l'ore
Cantandu canta lieta la mia morte
♪
E allora allegru cantu ca nu sbagli mai
Caccia te fore sta malinconia
Sacciu comu aggiu fare, cu tamburrieddhi sai
Alla festa beddha te Santu Paulu miu
♪
Pozzu cu pizziche pizziche cacciare sai
Cantandu e ballandu la malinconia