Anthu chaka chino tawona mbwadza, njala inatikong'ontha
Yatikhwekhweletsa, kutisiya tili mbuu
Ndadya madeya ofiira owawa ngati quinine
Mbamu ziwiri zokha kuchukucha mkamwa
Anzathu ena adwala nazo nthenda zotupilana
Popeza amkagonera ku phamu la masamba
Anthu okwanira 500 anamwalira
Cholera itayambika chifukwa cha njala
Njala ndi mdani njala, kusonkha usilu
Njala ndi mulili owopsa
Mukakolora zakudya zanu chonde musagulitse
Chaka cha mawa kuli moto
Musanyoze uphungu wanga iwe Malawi
♪
Ndaledzela nayo njala poyenda mkumapepeluka
Kupunthwa chisipesipe mpaka kugwa nacho
M'mimba munabwelera kuphatikizana ndi nsana
Mkamwa munawuma, maso kulowa mkati
M'ma tchalitchi nyimbo zinali kusisitika poyimba
Popeza anati chiyimba chili m'mimba
Nthiti zinayamba kuoneka ngati nkhokwe za nsungwi
Zambiri sindinganene ndangomwela madzi
Njala ndi mdani njala, kusonkha usilu
Njala ndi mulili owopsa
Mukakolora zakudya zanu chonde musagulitse
Chaka cha mawa kuli moto
Musanyoze uphungu wanga iwe Malawi
♪
Atsogoleri, zindunda, mafumu, nyakwawa za m'mudzi
Phuzitsani wathu asamale chokudya
Akabwela ena kuchokera ku town ndi zinthu, zosinthanitsa ndi chimanga musalore
Ma ovololo, zi ndowa, nsapato, zitenje ndi nsomba
Iyayi zimenezo musakomedwe nazo
Chondidetsa nkhawa ndi chokuti a Malawi ambiri
Tadyela m'munda momwemo nsima ya masalanga
Nthawi yokolora yafika tikolore la m'mbale
Sitinazionele uku ndikuyamba
Njala ndi mdani njala, kusonkha usilu
Njala ndi mulili owopsa
Mukakolora zakudya zanu chonde musagulitse
Chaka cha mawa kuli moto
Musanyoze uphungu wanga iwe Malawi
♪
ADMARC tisaname chimanga chimkabwera
Koma anamalira amkagula usiku
Mam'mawa kukacha akweza mitengo yofuna okha
One kilogram mpaka 40 kwacha
Anamalira ogulitsa chimanga amkakwiya
Kuwopa akaseka angachite chifundo
Yemwe sanalemele chaka chino sadzalemeranso
Mwatimvetsa zonunkha inu a namalira
Njala ndi mdani njala, kusonkha usilu
Njala ndi mulili owopsa
Mukakolora zakudya zanu chonde musagulitse
Chaka cha mawa kuli moto
Musanyoze uphungu wanga iwe Malawi
Musanyoze uphungu wanga iwe Malawi
Mukakolora zakudya zanu chondeu musaglitse
Chaka cha mawa kuli moto
Musanyoze uphungu wanga iwe Malawi
(Mukakolora zakudya zanu chonde musaglitse)